نئی دہلی: بین الاقوامی فضائی جریدے 'فلائٹ گلوبل' کی ایک رپورٹ نے انڈیا کے سیاسی اور دفاعی حلقوں میں نئی بحث چھیڑ دی ہے، جس میں انڈین فضائیہ کے فعال رافیل طیاروں کی تعداد 32 بتائی گئی ہے۔
انڈیا نے فرانس کے ساتھ ایک معاہدے کے تحت مجموعی طور پر 36 رافیل جنگی طیارے خریدے تھے۔ فلائٹ گلوبل کی رپورٹ میں 32 فعال طیاروں اور 114 طیاروں کے آرڈر کا ذکر سامنے آنے کے بعد ناقدین یہ سوال پوچھ رہے ہیں کہ باقی رافیل طیارے کہاں ہیں۔
دفاعی مبصرین کے مطابق عالمی فضائی رپورٹس میں بعض اوقات تکنیکی مرمت، اپ گریڈیشن یا آپریشنل وجوہات کی بنا پر فعال طیاروں کی تعداد مختلف درج کی جاتی ہے، تاہم اس رپورٹ نے دفاعی شفافیت سے متعلق بحث کو ایک بار پھر تیز کر دیا ہے۔